Сёння, 19 чэрвеня 2024 года, магло б споўніцца 100 гадоў Васілю Быкаву — самаму вядомаму ў свеце беларускаму пісьменніку, публіцысту і грамадскаму дзеячу, якога сучаснікі справядліва называюць «сумленнем нацыі».
Васіль Быкаў
Цікава, што Васіль Быкаў мог і не стаць пісьменнікам: з дзяцінства яго цягнула да малявання, вучыўся на скульптара. Мог не выжыць у вайну: шматкроць паранены, абвінавачаны ў шпіянажы, лічыўся загінулым. Мог не стаць адным з пачынальнікаў нацыянальнага адраджэння 1990-х: быў папярэдне аблашчаны савецкай уладай, узнагародамі і прэміямі.
Але кожны раз у Быкава атрымлівалася рабіць тое, што трэба, і заставацца самім сабой.
З нагоды юбілею зрабілі для вас цікавую падборку пра творцу. Развагі, цытаты, маршруты ды іншае.
У гэтым матэрыяле сабралі знакавыя цытаты Васіля Быкава пра творчасць і вечную барацьбу за праўду і прыгажосць.
2. «Чалавек без пакут — трава». 20 цытат Васіля Быкава пра чалавечыя лёс і жыццё
Творы Васіля Быкава не толькі ўтрымліваюць глыбокія думкі пра жыццё, людзей і іх адносіны, але і па-майстэрску адлюстроўваюць перажыванні і ўнутраныя канфлікты чалавека, які трапіў у надзвычайныя абставіны. Сабралі цытаты Васіля Быкава, якія дэманструюць яго погляд на жыццё і чалавечую прыроду. Гэтыя словы могуць стаць для кожнага падставай задумацца ці пераасэнсаваць каштоўнасці.
У гэтым матэрыяле сабраныя 10 цытат Васіля Быкава пра нацыянальную свядомасць, якія дапамогуць лепш зразумець яго погляды на гэтую тэму.
4. Чым любіў паласавацца Васіль Быкаў? Напярэдадні юбілею паўтараем любімы рэцэпт пісьменніка
Распавядаем, як праводзіў час і чым любіў паласавацца творца на вёсцы, і гатуем разам любімую страву пісьменніка.
5. Вандроўка па Віцебшчыне шляхамі Васіля Быкава
Прапануем узгадаць мясціны, звязаныя з дзяцінствам ды юнацкімі гадамі творцы. Наведаем вёскі Бычкі, Селішча ды Кублічы, што на Ушаччыне, завітаем у Віцебск. Пабачым дом-музей пісьменніка, пазнаёмімся з месцамі, дзе ён вучыўся, з краявідамі, якія бачыў, пройдземся шляхамі, якімі шпацыраваў Васіль Уладзіміравіч у юнацтве.
6. Тэст: Як добра вы ведаеце творчасць Васіля Быкава?
Адкажыце на пытанні нашага тэста і праверце, як добра вы ведаеце творчасць Васіля Уладзіміравіча.
7. Талент Быкава і сучасныя тэхналогіі. Як штучны інтэлект бачыць персанажаў пісьменніка?
Вырашылі праверыць, якімі бачыць герояў Быкава штучны інтэлект. Падрыхтавалі апісанне вядомых персанажаў і папрасілі штучны інтэлект іх намаляваць. Паглядзіце, што ў выніку атрымалася.
8. Топ-7 найлепшых экранізацый твораў Быкава
Васіль Быкаў — адзін з самых няпростых аўтараў для экранізацыі: у яго творах няма экшна і вайны ў маштабе, усё засяроджана на гісторыях асобных людзей, іх перажываннях і экзістэнцыйным выбары. Тым не менш некаторым фільмам паводле твораў Быкава ўдалося перадаць стылістыку аўтара, і яны палюбіліся як гледачам, так і крытыкам. Распавядаем пра іх.
9. Фарматны і нефарматны Васіль Быкаў
«Васіль Быкаў пісаў пра вайну», — гэтым абмяжоўваецца веданне мноства беларусаў пра нашага класіка літаратуры. Больш абазнаныя землякі яшчэ згадаюць напісаныя ім «Жоўты пясочак» пра рэпрэсіі ды «Ваўчыную яму» пра паслячарнобыль. Але нямала сведчанняў пра «нефарматнага», «нерэалізаванага» Васіля Быкава праходзіла ў сродках інфармацыі і кніжках даследчыкаў яго творчасці. Ды засыпанае пылам мэйнстрымнай папсы тое заслугоўвае чарговага абнародавання і нагадвання.
10. Вуліцы, шыльды і адзіны помнік. У якіх месцах Беларусі ўшанавана памяць Васіля Быкава
11. Вытрымкі з сустрэчы Васіля Быкава з чытачамі, якая адбылася ў траўні 1993 года ў Палацы культуры чыгуначнікаў у Мінску, фрагменты гутарак Юрася Залоскі з Васілем Быкавым, запісаныя ў траўнi—чэрвенi 1995 года. Гэтыя гутаркі, прысвечаныя лёсу Беларусi ды верагоднасцi выжывання беларускай нацыi i культуры, і сёння надзвычай актуальныя:
Васіль Быкаў: «Адраджэнне — справа моладзі, а не пенсіянераў»
Васіль Быкаў: Трэба жыць і змагацца. Размовы з пісьменнікам
Васіль Быкаў: Я быў «ідэалагічным дыверсантам»
Васіль Быкаў: «Мы яшчэ не наеліся чорнага хлеба праўды»
Васіль Быкаў: Пра мастацтва і праклятыя часы
Васіль Быкаў: Чаму рускія не могуць зразумець украінцаў
Што паслухаць
Твораў Васіля Быкава даволі шмат зараз ёсць і ў аўдыяфармаце, толькі гэтай вясной праектам audiobooks.by была прэзентаваная серыя з пяці аўдыякніг Народнага пісьменніка.
Тут можна паслухаць усё, агучанае на сёння з твораў Васіля Быкава, некаторыя кнігі ёсць у двух агучках, у тым ліку дзве — «Доўгая дарога дадому» і «Быкаў на Свабодзе» — у аўтарскай.
Budzma.org
