Калі вы раптам яшчэ не вызначыліся, як цікава і з карысцю правесці выходныя, мы падкажам. Ноч мастацтва і чэмпіянат па фотабёрдынгу, спеўкі, лекцыі ў гарадах Беларусі, беларускамоўны шпацыр і гульні ў Варшаве, канцэрты ў кракаве і Вільні — выбірайце мерапрыемствы ў сваім горадзе і на свой густ!
Крыніца: zn.ua
Беларусь
Мінск
Ноч мастацтва ў Мінску
Абяцаюць перфоманс, музыку, лекцыі ды майстэрні, размовы пра мастацтва і, вядома, «Восеньскі Салон». Экспазіцыя «Восеньскага Салона» будзе адкрыта і даступна да прагляду ўсю ноч!
Падрабязней тут.
Чэмпіянат па фотабёрдынгу ў Мінску
У суботу, 1 кастрычніка, можна будзе «паганяцца» за птушачкамі, каб зрабіць прыгожыя фатаздымкі!
Правілы чэмпіянату ды розныя дэталі тут.
Гомель
Супольныя спеўкі ў Гомелі
«Коміна» ажанілі, а цяпер самы час гатавацца да іншай вясельнай вечарыны. Таму і песні будуць развучваць асаблівыя, вясельныя.
На такіх занятках няма гледачоў — усе ўдзельнікі і спяваюць разам. Не важна, ці ўмееце вы спяваць, ці ведаеце песні.
Падрабязней тут.
Гродна
«Хто такія ўніяты?» Лекцыя ў Гродне
Чаму 80% беларусаў былі уніятамі? Чым падобна і чым адрозніваецца ад іншых хрысціянскіх канфесій? Ці ёсць сёння ў Гародні уніяты? Жадаеце даведацца адказы на гэтыя і іншыя пытанні? Завітвайце на лекцыю.
Падрабязней тут.
Германія
Берлін
Спеўнае кола ў Берліне
Спявачка ды мастачка, педагог Кацярына Жынгероўская запрашае беларусаў Берліна на спеўнае кола — навучыцца беларускаму народнаму спеву, адчуць свой голас ды разам паспяваць старажытных беларускіх песень.
Падрабяўней тут.
Польшча
Варшава
Гульні без межаў у Варшаве
Тут будуць гуляць у ролевыя гульні, а таксама ў настолкі, знаёміцца і канэкціцца.
Падрабязней тут.
Беларускамоўны шпацыр па габрэйскай Варшаве
Сто гадоў таму на вуліцах Варшавы можна было пачуць і ўбачыць дзве мовы: польскую і ідыш. За амаль усю гісторыю польскай сталіцы габрэі складалі ад 25 да 35 адсоткаў усяго насельніцтва. Гэта паўплывала на варшаўскую культуру, спадчыну і, вядома, на гаворку.
І ўсё гэта рэзка закончылася — за тры гады было знішчана каля 400 тысяч варшаўскіх габрэяў, пераведзеных спачатку у Варшаўскае Гета.
Пра розныя падзеі з гісторыі варшаўскіх габрэяў і іх спадчыну вы даведаецеся падчас экскурсіі.
Падрабязней тут.
Кракаў
Хто ведае, той ужо радасна падскоквае, а хто не ведае — няхай прыйдзе і даведаецца, як гучыць менскі рок з ашмянска-амстэрдамскім прысмакам!
Падрабязней тут.
Літва
Вільня
Канцэрт Яўгена Барышнікава ў Вільні
Глыбокія тэксты, тэхнічная гітара, байкі пра мора, львоўскае тылавое жыццё падчас вайны і адвечны шлях беларусаў. Каб паслухаць пра ўсё гэта, завітайце ў Цэнтр беларускай супольнасці і культуры на канцэрт Яўгена Барышнікава.
Падрабязней тут.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам». Вось, да пракладу, некалькі магчымых варыянтаў, куды варта з’ездзіць і што паглядзець:
7 цудаў Пастаўшчыны: гайд ад «Будзьма!»
Вандруем разам з «Будзьма!» па Астравецкім раёне. Частка другая
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.
