Калі вы раптам яшчэ не вызначыліся, як цікава і з карысцю правесці выходныя, мы падкажам. Фестывалі, лекцыі, спеўкі ў гарадах Беларусі, велаэкскурсія ў Варшаве, канцэрт у Вільні, чытка п'есы ў Лондане — выбірайце мерапрыемствы ў сваім горадзе і на свой густ!
Беларусь
Мінск і Мінская вобласць
«Для мяне значэнне мае толькі каханне, і я маю справу толькі з тымі рэчамі, якія круцяцца вакол яго» — казаў Марк Шагал і не маніў. Лекцыя «Марк Шагал: каханне маё» — гісторыя пра тое, як мастацтва становіцца маніфестам кахання.
Дата: 17 верасня
Час: 14.00
Для рэзідэнтаў і гасцей клуба ўваход вольны! Але ж трэба запісацца на ўдзел у адміністратараў клуба па нумары 7899 (А1, МТС).
Падрабязней тут.
17 і 18 верасня аграсядзіба «Цудоўныя Узгоркі» прапануе сагрэцца незвычайнымі практыкамі ад майстроў, цёплым канцэртам з жывым гукам і класнымі дыджэямі.
Падрабязней тут.
Дзе спяць беларускія «бэтмэны»? Чаму зімой кажаноў цягне да лядоўні? Ці вінныя кажаны ў распаўсюдзе COVID-19? Што рабіць на спатканні з кажаном? Адказы на гэтыя пытанні можна даведацца на лекцыі пра кажаноў ад сапраўднага хіраптэролага Аляксея Шпака.
Падрабязней тут.
Выгаранне? Панічныя атакі? Саслаб імунітэт? Здаюць нервы? У пошуках шчасця? У пошуках сябе? У пошуках новых актыўнасцяў? Любіце кідаць сабе выклікі? Прыходзьце 17 і 18 верасня ў батанічны сад на фэст самаразвіцця і здаровага ладу жыцця MY WAY FESTIVAL.
Падрабязней тут.
Гомель
17 верасня можна будзе паспяваць разам беларускія песні, адчуць моц свайго голасу ды атрымаць асалоду ад сутворчасці з аднадумцамі.
Падрабязней тут.
На майстар-класе гэтым разам вы зможаце зрабіць падсвечнікі ды аромалямпы.
Падрабязней тут.
Віцебск
Навукоўцы заўжды хацелі зразумець законы Прыроды. І да 20-га стагоддзя ўсе было супер, бо будаванне свету тлумачылася механікай Н’ютана. Але ў 20-м з адкрыццём тэорыі адноснасці і квантавай механікі аказалася, што ўсіх заканамернасцяў мы зноў не ведаем. І вось фізікі шукаюць Тэорыю ўсяго. На лекцыі вы даведаеце пра адну з тэорый, якая прэтэндуе ёю стаць — Тэорыю струнаў.
Падрабязней
тут.
Гродна
Падрабязней
тут.
Літва
Вільня
У суботу, 17 верасня, абаяльны, таленавіты, віртуозны і сціплы Зміцер Вайцюшкевіч грае ўтульны восеньскі канцэрт у Вільні і прэзентуе свой новы альбом «Вецер».
Падрабязней тут.
Польшча
Варшава
17 верасня экскурсійны праект «Тр-тр-трэвэл» запрашае на беларускія пакатушкі па Варшаве з найцікавейшай экскурсіяй ад Рамана Абрамчука, краязнаўцы, гіда і музыкі!
Падрабязней
тут.
Грузія
Тбілісі
Ларп (ралявая гульня жывога дзеяння) будзе цікавы тым, хто хоча даведацца аб разнастайнасці фарматаў стасункаў.
Падрабязней
тут.
Вялікабрытанія
Лондан
Чытка п’есы Ганны Комар «Целам сваім» у Лондане
Паэтка Ганна Комар будзе чытаць сваю п’есу «Целам сваім» пра досвед зняволення падчас пратэстаў 2020 году, пра ўзаемасувязь траўмаў і спосабы іх пераадолець.
Падрабязней
тут.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам». Вось, да пракладу, некалькі магчымых варыянтаў, куды варта з’ездзіць і што паглядзець:
7 цудаў Друі: гайд ад «Будзьма!»
Чароўная Лепельшчына. Чым здзівіць радзіма Цмока? Частка 2
7 цудаў Глыбокага: гайд ад «Будзьма!»
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.
