У межах 17-га Мэблевага форуму ў мінскім Футбольным манежы адкрылася “Галерэя сучаснага дызайну” – першая сур’ёзная выстава беларускіх дызайнераў.
Адмыслова да адкрыцця “Галерэі” яго студэнты зрабілі скульптуру з старой мэблі – “каб стварыць выспу хаоса між парадкам і прыгажосцю”
Арганізатары Мэблевага форуму пагадзіліся з аўтарамі ідэі “Галерэі” ў тым, што мэбля без дызайну нічога не вартая, і аддалі частку плошчы пад гэтую справу. “Мы хочам засведчыць, што ў Беларусі ёсць прафесійныя дызайнеры, якія маюць што прапанаваць”, – кажа Артур Вакараў са студыі “Адліга”, які вырашыў зрабіць першую сур’ёзную падборку дызайнерскіх вынаходак у Футбольным манежы. Са словаў Артура, беларускія дызайнеры не могуць як след выявіцца, бо пакуль у гэтай сферы адсутнічае канкурэнцыя, а да ўсяго, у нашай краіне адсутнічае стыль спажывання: “Вельмі шмат прапановаў аб стварэнні мэблі пад замову, але вельмі часта дызайнерскія ідэі крадуць з якіх ангельскіх часопісаў, а не звяртаюцца па арыгінальныя вынаходкі сваіх”.
арт-крытык Павал Вайніцкі, дацэнт кафедры дызайна на архітэктурным факультэце БНТУ
“У нас не ўсё так кепска ў гэтай сферы, не ўсе таленавітыя людзі з’ехалі за мяжу, і ёсць вельмі шмат цікавых прыдумак. Праблема ў тым, што аўдыторыя такіх праектаў надта вузкая”, – кажа арт-крытык Павал Вайніцкі, дацэнт кафедры дызайну на архітэктурным факультэце БНТУ. Адмыслова да адкрыцця “Галерэі” яго студэнты зрабілі скульптуру са старой мэблі – “каб стварыць выспу хаосу між парадкам і прыгажосцю”.
дырэктар ВП экспафорум Зміцер Некрашэвіч
Дырэктар парталу marketing.by Сяргей Скараход
Вядома ж, не кожны гатовы заплаціць за арыгінальную дызайнерскую вынаходку. “Дызайнерскі праект дарагі, бо вымагае шмат сілаў. Такія рэчы вырабляюцца ў абмежаванай колькасці і з немалымі выдаткамі”, – кажа ўдзельніца выставы Кацярына Шэйна. Яе арыгінальны дзіцячы палітончык каштуе 200 даляраў. Кошт крэсла з кардону, якое вытрымлівае 120 кг, сягае 130 тысячаў рублёў, а падстолле (ножкі для стала) – 399 тыс. руб.
каардынатарка праекту Вольга Мельгуй
дызайнер-кераміст Кацярына Шэйна
“Ніхто яшчэ гэты рынак не варушыў. Мы працуем над тым, каб такая прадукцыя стала больш масавай. Неўзабаве і ў нас сярэдні клас будзе атаварвацца ў IKEA, а людзі прасунутыя – у дызайн-салонах”, – заўважае Артур Вакараў.
“Галерэя беларускага дызайну” будзе працаваць да 7 траўня.
на першым фота – дызайнер Артур Вакараў (дызайн-студыя Adliga)
