18 красавіка – Міжнародны дзень помнікаў і мясцінаў

Наша свята!

Нягледзячы на тое, што гэты дзень ўпершыню быў адзначаны ў 1984 годзе, для нас сёння ён не страціў сваёй актуальнасці. Бо гэтае свята – свята нашай культурнай спадчыны, нашых архітэктурных помнікаў і прыродных запаведнікаў, нашых фальклорных і навуковых здабыткаў, гістарычнай памяці — усяго таго, што аб’ядноўвае нас як нацыю і робіць унікальнымі ў шматлюднай сям’і народаў. Гэты дзень — добрая нагода не хаваць свае культурныя скарбы, а гучна распавесці пра іх усім.

Запрашаем наведаць “Фэст экскурсаводаў”!

Падчас “Фэсту экскурсаводаў” напрацягу двух дзён (17-18 красавіка) пройдзе шэраг самых разнастайных бясплатных экскурсій па гістарычных мясцінах Мінска, Гродна, Брэста і іншых гарадоў і мястэчак!

“Фэст экскурсаводаў” – гэта ўнікальная магчымасць для кожнага атрымаць незвычайную інфармацыю з першых вуснаў пра звыклыя мясціны, бо экскурсаводамі падчас Фэсту выступаюць як адмыслоўцы ў гэтай прафесіі, так і вядомыя гісторыкі, культуролагі, музейныя супрацоўнікі, настаўнікі, краязнаўцы — тыя, хто сам займаецца вывучэннем нашай гісторыка-культурнай спадчыны і гатовы падзяліцца сваімі ведамі з усімі цікаўнымі.

Паводле словаў старшыні МГА “Гісторыка” Змітра Рагачова, “Наша незвычайная гісторыя – найбагацейшы скарб. Наша зямля была ў цэнтры падзеяў заўсёды, зазнала ўплыў розных цывілізацыяў. Згадкі пра ўсё гэта багацце мы можам пабачыць літаральна побач і зараз.”

“Фэст Экскурсаводаў” праводзіцца ўжо другі год запар. У 2009 годзе ў межах Фэсту на працягу 2 дзён у Мінску і іншых гарадах Беларусі прайшло амаль 30 самых разнастайных пешых экскурсій, у якіх прынялі ўдзел каля 1300 асобаў.

Цімох Акудовіч, намеснік старшыні Беларускага камітэту Міжнароднай рады па помніках і мясцінах: “Мінулым годам на асобныя экскурсіі прыходзіла больш за 100 чалавек. Мы былі ўражаныя такой зацікаўленасцю. Значыць, мерапрыемства запатрабаванае грамадствам.”

Гэтым годам “Фэст экскурсаводаў” праводзіцца ў падтрымку кампаніі “Будзьма!”, так як яго мэты цалкам супадаюць з мэтамі кампаніі. Кампанія “Будзьма!” дазваляе людзям наведваць цікавыя экскурсіі, ездзіць у падарожжы па Беларусі, удзельнічаць у культурна-асветніцкіх мерапрыемствах і пасля заканчэння Фэсту.

Святкуйма Міжнародны дзень помнікаў і мясцінаў разам!

ДАДАТКОВА

Арыгінальная назва свята для пошуку больш падрабязнай інфармацыі ў Інтэрнэце: International day for Monuments and Sites

• Удзельнікі Аргакамітэта па святкаванню Міжнароднага Дня помнікаў і мясцінаў (яны ж арганізатары “Фэста экскурсаводаў”):
• Беларускі камітэт Міжнароднай рады па помніках і мясцінах (ІКАМОС),
• Грамадскае аб’яднне “Беларускi фонд культуры”,
• Маладзёжнае грамадскае аб’яднанне “Гісторыка”,
• Грамадскае аб’яднанне “Беларуская асацыяцыя экскурсаводаў і гідаў-перакладчыкаў”

Кантакты з Аргкамітэтам:

Зміцер Рагачоў, (8-029) 7550370

(каардынатар па працы з рэгіёнамі, старшыня МГА “Гісторыка”),

Цімох Акудовіч, (8-029) 5571124

(каардынатар па Мінску, намеснік старшыні Беларускага камітэту ІКАМОС).

СПІС ЭКСКУРСІЙ ПА Г.МІНСКУ

(Увага! У раскладзе магчымыя змены і дапаўненні!)

17 красавіка

18 красавіка

СПІС ЭКСКУРСІЙ ПА РЭГІЁНАХ

(Увага! У раскладзе магчымыя змены і дапаўненні! )