Беларускі фестываль інтэлектуальнай кнігі PRADMOVA абвяшчае конкурс-выставу маладых ілюстратараў і дызайнераў кнігі ART PRADMOVA.
![Art Pradmova Art Pradmova](/upload/medialibrary/cdb/quhifzg3v3blpxzge17r4mj3u3xutdzk.jpg)
Конкурс-выстава ART PRADMOVA дае цудоўную магчымасць маладым творцам не толькі даведацца кампетэнтнае меркаванне вядомых майстроў пра свае працы, але і звярнуць на сябе ўвагу беларускіх выдаўцоў і гледачоў, дае шанец атрымаць новыя цікавыя замовы і зрабіцца лепш бачнымі ў публічнай прасторы.
Умовы ўдзелу:
- На конкурс прымаюцца працы, звязаныя з кнігамі (вокладкі, ілюстрацыі, арт-букі, мастацкія праекты і іншае).
- Ілюстрацыі можна даслаць у лічбавым фармаце проста ў гугл форме!
- Ад аднаго ўдзельніка на конкурс можа быць пададзена толькі адна заяўка.
- Узрост удзельнікаў — ад 17 да 39 гадоў уключна.
Найлепшыя творы па выніках працы журы конкурсу будуць выстаўлены ў межах фестывалю, таксама пераможцы атрымаюць прыемныя падарункі і новыя творчыя магчымасці ад ArtPradmova.
Як падаць заяўку на ўдзел?
Апошні дзень прыняцця заявак — 3 верасня.
Падаць заяўку можна па спасылцы.