Budzma.org сабраў асноўныя сталічныя і абласныя імпрэзы, што адбудуцца ў рамках «Ночы музеяў» з 18 па 21 мая.
З Германіі і Францыі па ўсім свеце
Ідэя свята ўзнікла яшчэ ў 1970-х гадах, калі ў Еўропе ў маі музеі традыцыйна адчынялі дзверы для бясплатнага наведвання, а часам, калі народ не паспяваў агледзець экспазіцыю, нават падаўжалі час працы.
У 1997 годзе ў Берліне прайшла першая афіцыйная акцыя, якая ўвайшла ў гісторыю як «Доўгая ноч музеяў». Адміністрацыя горада Берліна прыняла рашэнне ў гэты дзень пускаць наведвальнікаў у музеі бясплатна, а экскурсіі праводзіць усю ноч напралёт. Ідэя мела вялікі поспех і ўжо ў наступным годзе да акцыі далучыліся яшчэ 20 гарадоў Германіі.
У 1999 годзе Міністэрства культуры Францыі прапанавала музеям сваёй краіны адкрывацца бясплатна для наведвальнікаў у адну з вясновых нядзель — мерапрыемства атрымала назву «Вясна музеяў». Сучасная назва штогадовая акцыя атрымала ў 2005 годзе: французы выказалі ідэю аб штогадовым правядзенні Міжнароднай музейна-выставачнай, культурна-адукацыйнай акцыі «Ноч музеяў» і ў тым жа годзе на гэтую ідэю адгукнуліся музеі з 47 краін, якія падпісалі Канвенцыю Савета Еўропы.
Свята імкліва заваявала папулярнасць ва ўсіх галоўных еўрапейскіх сталіцах. Пазней акцыям пачалі задаваць тэматыку, а акрамя асноўных мерапрыемстваў арганізоўвалі кірмашы, тэатралізаваныя паказы, маскарады і канцэрты.
Беларусь чарговы раз далучаецца да сусветнай «Ночы музеяў». Тэма сёлетняга мерапрыемства — «сіла музеяў», яно накіравана на вывучэнне патэнцыялу музеяў дзеля спрыяння пазітыўным зменам у рэгіёнах. Музеі распавядаюць пра мінулае і натхняюць на новыя ідэі — у гэтым заключаюцца два найважнейшых крокі ў імкненні пабудаваць лепшую будучыню. Дык што паглядзець беларусам у музеях у гэтыя дні?
Мінск
Ноч музеяў: музыка і псіхадэліка ў музеі Багдановіча ў Мінску
Пачатак: 21.05 (19:00)
Літаратурны музей Максіма Багдановіча
(Мінск, вул. М. Багдановіча, 7а)
Кошт: 10 рублёў
Ноч музеяў: падарожжы ў часе ў Нацыянальным мастацкім у Мінску
Пачатак: 21.05 (16:00)
Нацыянальны мастацкі музей
(Мінск, вул. Леніна, 20)
Кошт: 15 рублёў
Ноч музеяў: бітнікі, ліндзі-хоп і Пятрусь Броўка ў Мінску
Пачатак: 21.05 (18:00)
Літаратурны музей Петруся Броўкі
(Мінск, вул. К. Маркса, 30, кв. 4)
Кошт: 5 рублёў
Ноч музеяў: творчы джэм у АРТ Фабрыцы ў Мінску
Пачатак: 21.05 (19:00)
Арт Фабрыка
(Мінск, вул. Свярдлова, 2)
Кошт: 10 рублёў
Ноч музеяў: Сярэднявечча і фаер-шоў у Дудутках
Пачатак: 21.05 (18:00)
Музей Дудуткі
(Мінск, Пухавіцкі раён)
Кошт: 15 рублёў
Ноч музеяў: гутаркі з мастакамі, DJ-сэты і медытацыя ў НЦСМ у Мінску
Пачатак: 21.05 (18:30)
Нацыянальны цэнтр сучасных мастацтваў
(Мінск, пр-т Незалежнасці, 47 і вул. Някрасава, 3)
Кошт: 12 рублёў
Ноч музеяў: містычныя гісторыі ля вогнішча ў Азярцы
Пачатак: 21.05 (19:00)
Музей народнай архітэктуры і побыту
(Мінск, Мінскі раён)
Кошт: 11 рублёў
Мінская вобласць
Ноч музеяў: Напалеонаўскія войны і танцы ў Нясвіжы
Пачатак: 21.05 (19:00)
Музей-запаведнік «Нясвіж»
Кошт: 19 рублёў
Гродзенская вобласць
Ноч музеяў: святло ў цемры ў Іўі
Пачатак: 18.05 (18:00)
Іўеўскі музей нацыянальных культур
(Іўе, вул. 17 верасня, 9)
Ноч музеяў: рыцары ў Лідскім замку
Пачатак: 20.05 (18:00)
Лідскі гісторыка-мастацкі музей
(Ліда, вул. Перамогі, 37а)
Кошт: 15 рублёў
Ноч музеяў: мыльныя бурбалкі і флэшмобы ў музеі вавёркі
Пачатак: 20.05 (18:00)
Музей Вавёркі
(Вялікая Бераставіца, вул. Савецкая, 17)
Кошт: ад 2 рублёў
Рок, тату і Ноч музеяў у Гродне
Пачатак: 20.05 (20:00)
Выставачная зала
(Гродна, вул. Ажэшкі, 38)
Ноч музеяў: дэтэктыўныя гісторыі ў Гродне
Пачатак: 21.05 (21:00)
Стары і Новы замкі
(Гродна, вул. Замкавая, 20)
Кошт: 12 рублёў
Ноч музеяў: дыяфільмы і ганчарства ў Ашмянах
Пачатак: 21.05 (19:30)
Краязнаўчы музей імя Ф. К. Багушэвіча
(Ашмяны, вул. Савецкая, 128)
Ноч музеяў: Міндоўг запрашае патанцаваць у Навагрудку
Пачатак: 21.05 (18:00)
Навагрудскі гісторыка-краязнаўчы музей
(Наваградак, вул. Гродзненская, 2)
Ноч музеяў: духоўныя спевы ў Залессі
Пачатак: 21.05 (15:00)
Музей-сядзіба Міхала Клеафаса Агінскага
Кошт: 10 рублёў
Гомельская вобласць
Ноч музеяў: этнаэкамарафон «Жывая вада» ў Гомелі
Пачатак: 21.05 (18:00)
Філіял Веткаўскага музея
(Гомель, пл. Леніна, 4а)
Ноч музеяў: засяродзьцеся «Тут і цяпер» у Гомелі
Пачатак: 21.05 (18:00)
Палац Румянцавых і Паскевічаў
(Гомель, пл. Леніна, 4)
Кошт: 15 рублёў
Пачатак: 20.05 (18:00)
Музей гісторыі горада Гомеля
(Гомель, вул. Пушкіна, 32)
Кошт: 5 рублёў
Віцебская вобласць
Ноч музеяў: касмічная дыскатэка ў Германавічах
Пачатак: 21.05 (19:00)
Мастацка-этнаграфічны музей імя Язэпа Драздовіча
(Віцебск, вул. Школьная, 20)
Ноч музеяў у год 135-годдзя Марка Шагала
Пачатак: 20.05 (18:00)
Арт-цэнтр Марка Шагала
(Віцебск, вул. Пушкіна, 2)
Уваход вольны!
Магілёўская вобласць
Сіла музеяў. Старонкі Магілёўскай гісторыі
Пачатак: 20.05 (18:00)
Магілёўскі абласны краязнаўчы музей
(Магілёў, Першамайская, 8)
Кошт: дарослым — 9 рублёў, дзецям — 4,5 рублі.
Пачатак: 20.05 (18:00)
Музей гісторыі Магілёва
(Магілёў, вул. Ленінская 1А)
Кошт: дарослым — 5 рублёў, дзецям — 3 рублі.
Брэсцкая вобласць
Пачатак: 18.05 (18:30)
Мастацкі музей
(Брэст, вул. Герояў абароны Брэсцкай крэпасці, 60В)
Прыдворныя танцы Вялікага стагоддзя
Пачатак: 20.05 (18:15)
Музей «Выратаваныя мастацкія каштоўнасці»
(Брэст, вул. Леніна, 39)
Ноч музеяў: гаворыць і паказвае музей
Пачатак: 21.05 (19:00)
Брэсцкі абласны краязнаўчы музей
(Брэст, вул. Маркса, 60)
Больш падрабязную інфармацыю аб імпрэзах у вашай мясцовасці можна глядзець па спасылцы.
